Ég finn til

Það tekur á að lesa svona fréttir. Manni verður orðavant. En guð hvað ég skil sársauka og reiði starfsfólksins. Þvílíkt tillitsleysi að láta það heyra fyrst af slíkum örlögum í gegnum fjölmiðla! Fyrrverandi starfsfólk SPRON á alla mína samúð núna.

Ég finn djúpt til með þeim ört vaxandi hópi sem hefur misst vinnuna frá síðastliðnu hausti. Ég finn til með þeim sem hafa og/eða stefna í gjaldþrot. Ég finn til með þeim sem þurfa að líða hvers kyns hörmungar sem má rekja beinlínis til efnahags- hrunsins. 

Ég minni á orð Evu Joly í þættinum Silfri Egils að það er áríðandi fyrir þetta fólk að réttlætinu verði fullnægt. Það verður að hraða rannsókn á fjárreiðum þeirra sem liggja undir grun um að bera ábyrgð á þeirri djúpu efnahagslægð sem við stöndum frammi fyrir.

Tilfinningaríkur fundur

Athugasemdir

[Jóna Kolbrún Garðarsdóttir, 23.3.2009 kl. 00:40]

Heyr, heyr. 

[Ellert Júlíusson, 23.3.2009 kl. 08:38]

Litlar líkur á því að það gerist meðan sama fólk stjórnar og hefur alltaf gert.

[Rakel Sigurgeirsdóttir, 23.3.2009 kl. 11:32]

Við verðum bara að vona að eitthvað annað komi út úr komandi kosningum...

[Helga Þórðardóttir, 23.3.2009 kl. 23:03]

Hjartanlega sammála þér. Við verðum að sýna ábyrgð og standa við bakið á þeim sem verða illa úti í efnahagshruninu.

[Jakobína Ingunn Ólafsdóttir, 23.3.2009 kl. 23:31]

Ég tek undir orð Helgu. Ábyrgð og mannúð skiptir miklu máli fyrir mótun nútímasamfélags

[Rakel Sigurgeirsdóttir, 24.3.2009 kl. 12:42]

Sammála ykkur kæru konur

[Arinbjörn Kúld, 25.3.2009 kl. 02:51]

Tímasetningin var einstaklega klaufaleg. Íslenskt þjóðfélag verður ekki byggt upp aftur fyrr en þjóðin hefur fengið það réttlæti sem hún á skilið. Það getur tekið tíma trúi ég. En til þess þarf að endurnýja á þingi og í stjórnkerfinu og þar kemur að okkur sem höldum á atkvæðum og getum látið þau tala.