Laugardagsmótmælin á Akureyri

Traktorar, harmonikkur og dill.

Mótmæli á laugardag kl. 15 á Akureyri.

Gengið verður frá Samkomuhúsinu niður á Ráðhústorg. Að lokinni göngu er efnt til mótmæla á Ráðhústorginu á Akureyri. Krafa mótmælenda er skýr: Ríkisstjórnin á að fara frá og það strax.

Við hvetjum Akureyringa og nærsveitamenn að fjölmenna á torgið. Bændur eru hvattir til að mæta á dráttarvélum. Stöndum vörð um íslenskan landbúnað. Grasrótarsamtök að baki mótmælum þessum standa fyrir friðsælum mótmælum og munu bjóða upp á súpu.

Mætið með potta og sleifar eða hvaðeina sem framkvæmir hávaða svo að ríkisstjórnin vakni og átti sig á því að ekki er í lagi að skuldsetja margar kynslóðir þessa lands vegna óráðsíumanna.

Ríkisstjórnin nýtur ekki trausts. Allt vald liggur hjá þjóðinni.

Frummælendur á fundinum verða:
1. Guðbergur Egill Eyjólfsson, bóndi og nemi við HA.
2. Embla Eir Oddsdóttir, íslensk kona.

Allir sem vettlingi geta valdið eiga að mæta. Allir!!!
Fólkið í landinu

Athugasemdir

[Rakel Sigurgeirsdóttir, 23.1.2009 kl. 22:21]

Þetta er nú bara klippt og límd tilkynning frá undirbúningsnefnd laugardagsmótmælanna hér á Akureyri en ég hef samt reynt að birta þessar tilkynningar hér eftir að ég var éinu sinni skömmuð fyrir að gera það ekki. Vonandi sér þetta einhver um hverja helgi sem ákveður að drífa sig þess vegna. Það munar nefnilega um hvern einstakan Baráttu- og stuðningskveðjur til þín

[Arinbjörn Kúld, 23.1.2009 kl. 22:28]

Mæti, skreyttur appelsínugulum borða og á 22 borða handa þeim sem það vilja.