Keimlíkt...

Ég hef áður lýst aðdáun minni á Halldóri, teiknara Morgunblaðsins bæði hér á blogginu og víðar. Þrátt fyrir það ætla ég að gera það einu sinni enn. Tilefnið er þessi mynd hér:
Hér sýnir Halldór enn og aftur hvað hann er laginn við að draga fram vangaveltur og hugmyndir margra okkar í einföldum en skýrum dráttum teikninga sinna. Textarnir hans eru ekki síðri!

Ég setti þessa mynd inn á Fésbókina mína í gær. Nokkrar umræður spunnust í framhaldi birtingarinnar. Ég má til að birta hluta úr þeirri umræðu hér:

K: Hver er gamli, skeggjaði drengurinn sem situr svo hnípinn í kjöltu jólasveinsins? Lítur út eins og hann viti upp á sig skömm.

R: Það er eins og einhver standi ofan á skottinu á greyskarninu:-P

B: Sýnist þetta vera ansi líkt Achmed, the dead terrorist: http://www.youtube.com/watch?v=1uwOL4rB-go

Hér að neðan er myndbandið Achmed the Dead Terrorist. Ég reikna með að langflestir ef ekki allir hafi séð það áður en set það samt hérna inn í þeim tilgangi að hver og einn geti kíkt á það og metið það fyrir sig hvort eitthvað sé til í því að gamla, skeggjaða drengnum svipi til Achmeds. Eftir að ég rifjaði það upp virtist mér reyndar eitthvað fleira vera keimlíkt en útlitið eingöngu...

Athugasemdir

[Jóna Kolbrún Garðarsdóttir, 12.11.2009 kl. 01:36]

Halldór er ótrúlega naskur stundum, ég hef mikla trú á honum. 

[Rakel Sigurgeirsdóttir, 15.11.2009 kl. 21:33]

Já, ég fer reglulega og skoða myndirnar hans. Kræki mörgum þeirra inn á Fésið og nota sumar þeirra hérna á blogginu. Vona að hann sjálfur hafi ekkert á móti því