Get ekki á mér setið...

Ég er búin að vera svo grafalvarleg yfir færslunni hér á undan að ég ætla að leyfa mér að glannast með svolítinn aulahúmor yfir þessu annars stóralvarlega máli! Það muna kannski einhverjir eftir þessari mynd sem mig minnir að ég hafi stolið af blogginu hans Egils Helgasonar einhvern tímann síðastliðið haust.
Samkvæmt þessari mynd er mælt með því að fyrsta afborgunin sé reidd fram með fé... en þar sem ég er alin upp í sveit þá sé ég strax að þarna er ekki um íslenskt fé að ræða!

Kannski áttaði sá sem setti textann inn á þessa mynd sig einmitt á þessari mikilvægu staðreynd Kannski er hann með þessu að lauma þeirri hugmynd að okkur að Bretar beri tapið sjálfir! Mér finnst a.m.k. ekki koma til greina að þessar skuldir verði borgaðar af mínu fé! Það eru óreiðumennirnir sem stofnuðu til þeirra sem eiga að bera þessar skuldir!

Ef niðurstaðan verður sú að ég og annar almenningur verður látinn bera þessar skuldir hef ég af því stórar áhyggjur að framtíð mín sem gamallar konu verði þessi:
Þar sem um er að ræða stóralvarlegt mál get ég ekki annað en endað þessa örfærslu á þessum grafalvarlegu nótum

Utanríkismálanefnd á fund

Athugasemdir

[Jóna Kolbrún Garðarsdóttir, 6.6.2009 kl. 03:38]

Ég hef meiri áhyggjur af börnunum mínum en sjálfri mér.  Ein dóttir mín er búin að missa sína íbúð, ég vil ekki að hin missi sína líka. 

[Rakel Sigurgeirsdóttir, 6.6.2009 kl. 03:47]

Ég hugsaði þetta þannig að ef þetta væri framtíð mín þá yrði framtíð barnanna minna varla björt heldur!

[Jón Steinar Ragnarsson, 6.6.2009 kl. 06:46]

Stundum er ekki annað hægt en að gera sér vitfirringu að hlátursefni, þegar engin rök bíta á hana.  Ég skrifaði nú einhverja svona paródíu á mínu bloggi um daginn, sem ég sagði að gæti allt eins verið minning einhvers af komandi kynslóð. Ég er annars búinn að garga mig hásann yfir þessu á bloggi Jóninu Þorvarðar og fleiri. Þetta er svo gengdarlaust brjálæði að ef fólk sér það ekki, þá eru öll sund lokuð fyrir þessari þjóð.

[Jón Steinar Ragnarsson, 6.6.2009 kl. 06:59]

Ólínu Þorvarðar... excuse moi...

[Rakel Sigurgeirsdóttir, 6.6.2009 kl. 12:16]

Ég las þessa paraódíu þína en já ÓÞ... stundum ræður maður bara ekki við vissa hluti á vissum tímum við vissar kringumstæður...

[Sigurður Þórðarson, 6.6.2009 kl. 22:52]

Það er illa gert að skuldbinda þegnana þannig að þeir eigi enga möguleika á að standa í skilum. Þetta lið verður allt komið frá völdum þegar kemur að skuldadögunum svo partíið getur haldið áfram um stund, þökk sé kúluláninu.

[Rakel Sigurgeirsdóttir, 7.6.2009 kl. 02:11]

Sigurður! Þetta eru svo stórkostleg svik við þjóðina að mig skortir orð og kyngi til að lýsa tilfinningum mínum! Ég skil ekki hvaða „svínapest“ það er sem gengur á meðal yfirmanna í fjármálaheiminum og embættismanna í opinberri stjórnsýslu. Það eitt er víst að hún litar sál þeirra svarta og breytir þeim í þvílík svín að þeir eru tilbúnir til að selja þjóð sína í ánauð með galopin augun!

Ég þykist vita að svínin (afsakaðu orðbragðið) í fjármálaheiminum komust undan með gróðann í skjóli embættismannanna en græða þeir svona vel á því líka? Var kannski búið að borga þeim fyrirfram? M.a. í formi digurra kosningabaráttustyrkja??

[Rakel Sigurgeirsdóttir, 7.6.2009 kl. 02:21]

Tryggvi! Takk fyrir þitt ágæta innlegg Já, það er þetta með hægri og vinstri Mín niðurstaða í því er að vinstri og hægri hafa mæst orðið eitt! Guð þeirra er sá sami; nýfrjálshyggjan. Það sér því engan mun á hægri og vinstri. Mér finnst vinstri nýfrjálshyggja alveg jafnslæm og sú sem var til hægri

[Jakobína Ingunn Ólafsdóttir, 7.6.2009 kl. 02:50]

Sæl Rakel. Flottar myndir ég stelst til að setja aðra þeirra á bloggið mitt :)

[Rakel Sigurgeirsdóttir, 7.6.2009 kl. 03:48]

Gjörðu svo vel. Sá þetta reyndar ekki fyrr en eftir að þú varst búin að birta hana og fá viðbrögð sem ég gat ekki annað en brugðist við! enda málið mér skylt!