Akureyringar mótmæla áfram líka!

Mig langaði til að minna á áframhaldandi mótmælaaðgerðir á Akureyri. Núna á laugardaginn, 6. desember, verður enn ein gangan hér fyrir norðan. Mæting er við Samkomuhúsið kl. 15:00 en þaðan verður gengið inn á Ráðhústorg.

Þar verður fundur þar sem eftirtaldir munu taka til máls:

• Hannes Blandon, prestur.
• Sonja Eyglóardóttir, framkvæmdastýra.
• Jóhann Ásmundsson, nútímafræðingur.
• Þórarinn Hjartarson, sagnfræðingur, lokar mælendaskránni með flutningi ljóðs.

George Hollanders, leikfangasmiður, mun stýra þessum útifundi eins og hingað til.

Tilgangur mótmælanna er að mótmæla spillingu auðvaldsins og ítreka vantraustið á ríkisstjórnina!!!

Ég vona að Akureyringar fjölmenni í gönguna og á fundinn. Sjálf verð ég á Austurvelli á þessum tíma að mótmæla framantöldu.

Ef einhver vill fá nánari upplýsingar um gönguna á Akureyri þá er vísað í Guðrúnar Þórs sem má ná í,  í síma 663 28 48 eða í gegnum póstfangið hennar: [e-mail]

Áfram mótmælt á laugardag

Athugasemdir

[Camel, 5.12.2008 kl. 05:43]

Rakel, það hefði þurft að koma dagskránni á Akureyri betur til skila hjá fjölmiðlum, hún hefur ekki verið sýnileg á Mbl.is og heldur ekki á Vísi.is.

[Rakel Sigurgeirsdóttir, 5.12.2008 kl. 06:02]

Tek undir það með þér. Þú bendir Guðrúnu Þórs kannski á það fyrir okkur á Akureyri. Ég er að fara í flug eftir þrjá klukkutíma og svo stífa fundarsetu á mogrun þannig að ég vona að þú eða einhver annar sem tekur undir með okkur komi þessi áleiðis.

[Jakobína Ingunn Ólafsdóttir, 5.12.2008 kl. 13:42]

Gott framtak og ég vona að sem flestir mæti og mótmæli spillingu auðvaldsins og ítreki vantraustið á ríkisstjórnina. Það þýðir ekki að fara neitt í jólafrí núna heldur þurfum við að halda áfram að mótmæla.

[Katrín Snæhólm Baldursdóttir, 6.12.2008 kl. 08:52]

Rakel...hafðu samband við mig í dag svo við getum mótmælt saman á Austurvelli og jafnvel fengið okkur kaffitár. Telma getur örugglega gefið þér símann minn..ok?

[Rakel Sigurgeirsdóttir, 6.12.2008 kl. 21:48]

Katrín! Takk, fyrir þennan ógleymanlega dag. Frábært að hitta alla þessa vitru, flottu og heillandi mótmælendur. Hausinn er á flugi, tilfinningarnar viðkvæmar en hjartað fullt af hlýju og kærleika. Takk öllsömul en þó sérstaklega þér Katrín því án þín hefði ég sennilega aldrei fengið tækifæri til að hitta allt þetta frábæra fólk.

Es: Jakobína, ég viðurkenni að dagurinn hefði verið enn fullkomnari ef ég heði hitt þig líka. Vonadi verður það síðar.

[Jakobína Ingunn Ólafsdóttir, 7.12.2008 kl. 00:59]

Ég var á Austurvellinum í dag en sá þig ekki, átti heldur ekki von á því. Hef kannski séð þig og ekki þekkt þig. Ég sá Láru Hönnu og heilsaði henni. Ég sá enga konu sem líkist myndinni af Katrínu . Það er hressandi að mæta á mótmælin og fá sér frískt loft í leiðinni. Akkúrat núna er ég alveg brjáluð út af síðasta útspilinu, þ.e.a.s. að ríkisstjórnin skuli vera komin með umboð til þess að semja við bæði alþjóðagjaldeyrissjóð og Icesave án þess að ráðfæra sig við alþingi eða almenning. Hrikalegt klúður og ég er skíthrædd við þetta.

[Heidi Strand, 7.12.2008 kl. 14:21]

Gaman var að hitta þig á Austurvelli. : )

[Jakobína Ingunn Ólafsdóttir, 9.12.2008 kl. 02:12]

Er í byltingarhugleiðingum:

Geir Haarde hefur alvald til þess að halda núverandi pólitískum öflum við völd út kjörtímabilið. Við losnum ekki við þessa spilltu stjórnmálamenn sem þiggja mútur frá auðmönnum, í formi boðsferða í snekkju Jóns Ásgeirs, leynistyrki í kosningasjóði, hálauna störf fyrir börn og ættingja eða aðkomu þeirra að stjórnum fyrirtækja, jólagjafir osfr, nema að gera byltingu.

Við getum valið um að láta þetta lið hneppa börnin okkar í ánauð eða að gera byltingu. Svo einfalt er málið.

Það er alvarlegt mál að Geir Haarde og hans lið setur milljóna skuldir á bak hvers einstaklings sem birtist á fæðingadeildinni.

Burt með ríkisstjórnina, við viljum hreint og óspillt Ísland.

[Rakel Sigurgeirsdóttir, 10.12.2008 kl. 03:41]

Sömuleiðis Heidi

Arnar: Réttlæti ekkert ofbeldi. Mjög flott! Frábær hugmynd og frábært framtak