Friðþæging og syndaaflausn?

Ég er svona að velta því fyrir mér hvernig beri að túlka það að mbl.is skuli birta frétt Reuters-fréttastofunnar af mótmælunum á Austurvelli  í gær.

Í frétt mbl.is er líka tekið fram að mótmælin hafi vakið athygli víða í Evrópu. Það vissu nú reyndar langflestir fyrir en hörmuðu að þau vektu jafnvel meiri athygli fjölmiðla þar og fengju yfirleitt sanngjarnari umfjöllun en í íslenskum fjölmiðlum.

E.t.v. ber að túlka þessa birtingu sem ákveðna friðþægingu og ósk um syndaaflausn. Þ.e. að þeir sem hafa tekið þátt í þessum mótmælaaðgerðum hætti að efast um heilindi fréttamannanna sem hafa fjallað um þau á mbl.is

Myndin sem fylgir þessari færslu er tekin af blogginu hans Jóhanns Þrastar Pálmasonar sem tók m.a. þessa mynd af mótmælaaðgerðum gærdagsins.

Mótmæli vekja athygli

Athugasemdir

[Jakobína Ingunn Ólafsdóttir, 2.11.2008 kl. 22:22]

Flott að mótmælin skuli vekja athygli. Kannski virkar þetta á endanum.

[Rakel Sigurgeirsdóttir, 2.11.2008 kl. 22:25]

Ég trúi því

[Hallgerður Pétursdóttir (IP-tala skráð) 3.11.2008 kl. 08:45]

Daginn, ég held að nú fari eitthvað sögulegt að gerast. Geir H hefur ítrekað verið tvísaga og núna síðast með bókun Samfylkingarinnar á ríkistjórnarfundi í ókt. Þar sem Samfylkingin afsalar sér allri ábyrgð á Davíð!

[Rakel Sigurgeirsdóttir, 3.11.2008 kl. 17:01]

Vona það svo sannarlega því mér er löngu orðið óglatt af allri lyginni, yfirhlymingunum og óþverranum sem sleppur þrátt fyrir allt út. Ég spyr mig bara hvað þessir menn halda að þeir séu?

Það var einn vinnufélagi minn sem gaf glæpnum sem stjórnvöld hafa unnið íslensku samfélagi nafn í dag. Hann sagði seðlabankastjórnina og auðmenn í skjóli ríkisstjórnarinnar hafa gert sig sek um landráð af gáleysi! Er það ekki einmitt málið?!

Er það von þó þjóðin sé meira og minna í losti??