Græðgisstýrð kaupstefna

Þessi lesning varð fyrir mér í Spámanninum eftir Kahlil Gibran. Hún fjallar um kaup og sölu:

   Jörðin gefur ykkur ávöxt sinn og ykkur mun ekkert skorta ef þið kunnið að taka á móti gjöfum hennar.
   Með því að deila rétt gjöfum jarðarinnar fáið þið auð og allsnægtir.
   En ef þið deilið ekki af kærleika og réttsýni verða sumir ágjarnir og aðrir svangir.

   Þegar þið sem erfiðið á sjónum, á akrinum og í víngarðinum, mætið vefaranum, leirkerasmiðnum og kryddsalanum á markaðstorginu – biðjið þá anda jarðarinnar að stjórna voginni svo að framlög ykkar séu rétt metin.
   Og leyfið ekki okraranum, sem vill kaupa erfiði ykkar fyrir orð sín, að taka þátt í viðskiptunum.
   Við slíka menn skuluð þið segja:
   „Plægið með okkur jörðina eða farið með bræðrum okkar út á miðin og leggið netin því að landið og sjórinn geyma nægtir gulls handa okkur öllum.“

 
   Og komi til torgsins söngvarar, listamenn og skáld þá kauptu einnig þerra gjafir því að einnig þeir safna ávöxtum og reykelsi og þó að varningur þeirra sé gerður úr draumum er hann fæða og klæði sálarinnar.
   Og gættu þess áður en þú ferð af torginu að enginn hverfi heim tómhentur því að andi jarðarinnar hvílist ekki fyrr en þörfum hins minnsta bróður er fullnægt.

Indíánar orðuðu kjarna þessara orða Spámannsins þannig:

Mér sýnist full ástæða til að rifja þessa visku upp nú þegar sitjandi ríkisstjórn og áhangendur hennar hafa opinberað hversu langt þessir eru tilbúnir til að ganga í þjónustu sinni við fjármagnseigendur...

Íslendingar vinna mest Norðurlanda

Athugasemdir

[Anna Sigríður Guðmundsdóttir, 26.10.2012 kl. 11:46]

Rakel. Takk fyrir að deila þessari miklu visku með okkur. Ég las Spámanninn fyrir mörgum árum síðan, en skildi ekki viskuna í þeirri bók jafn vel þá eins og núna. Ef við lifum öll eftir raunsannri visku þessarar bókar, þá væri friður í heiminum.

M.b.kv.

[Ásthildur Cesil Þórðardóttir, 26.10.2012 kl. 11:48]

Alltaf góð.

[Jóna Kolbrún Garðarsdóttir, 1.11.2012 kl. 21:24]

Góð lesning