Þeir gætu hjálpað til...

Inni á Fésbókinni gengur nú afar forvitnilegt myndband sem mig langar til að vekja athygli á. Þetta er viðtal norska ríkisstjónvarpsins, NKR, við Má Másson sem er upplýsingafulltrúi Glitnis. Mér er reyndar ekki kunnugt um það hvort hann gegnir þessari stöðu enn. Í þessu sambandi er réttað benda á að þetta viðtal var nefnilega tekið fyrir ári síðan.

Hér má sjá viðbröðg Más við spurningum Viðskiptablaðsins varðandi þetta viðtal en þar vill hann ekki tjá sig frekar um það en með orðunum: „Ég var tekinn.“

Spurningarnar sem vakna þegar maður horfir og hlustar á viðtal fréttamannsis frá NKR eru m.a. þessar: Hvar værum við stödd ef íslenska fréttamannastéttin væri ekki tannlaus? Ef fréttamennirnir spyrðu alvöruspurninga en hlustuðu ekki þegjandi og athugasemdalaust á loftbelginslegar upphafningar-og syndaaflausnaræður fjármála- og stjórnmálamanna?

Sjáið þetta viðtal þá heyrið þið hvaða áhrif það hefur að spyrja um ábyrgðina og ganga á eftir slíkum spurningum! Það er kannski of mikið sagt að maðurinn skammist sín en það er a.m.k. úr honum allt loft! Hann er greinilega verulega sleginn út af laginu og veit það að hann kemst ekki upp með bullið sem hann ætlaði sér að sleppa með.

Athugasemdir

[Hólmdís Hjartardóttir, 21.10.2009 kl. 19:12]

Við eigum varla alvörufjölmiðlafólk....og þeir sem eru beittir er kastað

[Rakel Sigurgeirsdóttir, 21.10.2009 kl. 20:04]

Nákvæmlega. Þetta er þess vegna ekki eingöngu sök fréttamannastéttarinnar heldur þeirra sem eiga þá og reka

[Jóna Kolbrún Garðarsdóttir, 22.10.2009 kl. 01:00]

Allir íslensku fjölmiðlarnir eru þaggaðir, vegna hagsmunaárekstra.  Þöggun er til þess að halda fólkinu, okkur öllum óupplýstum.  Þetta myndband segir mikla sögu, ábyrgð er bara málatilbúnaður til þess að reikna sér ofurlaun.  Það er ekkert á bakvið ábyrgðina nema fíflagangur og spilling. 

[Lára Hanna Einarsdóttir, 22.10.2009 kl. 14:13]

Eins og sjá má hér starfar Már Másson ennþá hjá bankanum - við samskiptamál. 

[Rakel Sigurgeirsdóttir, 22.10.2009 kl. 22:53]

Takk fyrir þetta Lára Hanna! Var einmitt að vona að einhver myndi staðfesta þann grun minn. Sú ósk rættist

[Arinbjörn Kúld, 27.10.2009 kl. 11:07]

Það er nú ekki annað hægt Rakel en að skellihlægja við að horfa á þessa hörmung.

Kv,ari

[Haraldur Bjarnason, 27.10.2009 kl. 14:21]

Þetta er grátbroslegt og svo eru svona jeppar enn við störf

[Rakel Sigurgeirsdóttir, 27.10.2009 kl. 20:01]

Það er rétt þetta er grátbroslegt! Maður verður a.m.k. að reyna að sjá það broslega við þessa vitleysu alla saman en það kemur að því að það sýður upp úr...