Skjálfandi röddu segir hún: „nei“

Mátti til að vekja athygli á því hvað rödd Jóhönnu skelfur. Hvernig hún leikur sér með tunguna uppi í munninum. Hvað hún er óörugg... Hvers vegna er hún svona taugaóstyrk í þessu viðtali? Er hún hrædd eða veit hún að hún er að ljúga? Veit hún að hún er að bregðast samvisku sinni og öllu því sem hún hefur verið vegsömuð fyrir sem þingmaður hingað til? Veit hún að hún kemur ekki hreint og heiðarlega fram lengur? 

Hún gerði það a.m.k. ekki í þessu viðtali. Það er augljóst!


mbl.is Ekki stjórnarslit í augnablikinu
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Arinbjörn Kúld

Ætli heilög Jóhanna sé bara ekki búin á því blessunin.

Arinbjörn Kúld, 21.1.2009 kl. 00:58

2 Smámynd: Sigurveig Eysteins

Þessi skjálfti byrjaði fyrir nokkrum árum hjá henni, ég held að það sé ekki af því að hún sé taugaóstyrk, Jóhanna hefur alltaf verið sterk persóna, ég mann vel eftir henni fyrstu árin hennar á þingi þar sem hún tók þingmenn og ráðherra og hakkaði þá, og þeir áttu ekki roð í hana,  nei þessi skjálfti tengist frekar heilsu hennar, tek það fram, hef ekki kosið hana, ennnn  finnst hún frábær og sennilega heiðalegasta manneskjan á þingi í dag.

Sigurveig Eysteins, 21.1.2009 kl. 01:52

3 Smámynd: Rakel Sigurgeirsdóttir

Rödd hennar hefur verið brostin lengi en það var kvíðaskjálfti í rödd hennar. Svona eins og hjartað slægi uppi í hálsinum á henni. Hún var líka óvenju dauf. Venjulega er hún skelegg og ákveðin í málflutningi sínum en hún var það ekki núna.

Rakel Sigurgeirsdóttir, 21.1.2009 kl. 02:12

4 Smámynd: Rakel Sigurgeirsdóttir

Takk fyrir þitt ágæta innlegg Friðrik. Ég held að ég þurfi ekkert að undirstrika það við þig að ég er alls ekki að halda að Jóhanna hafi tekið þátt í því sem ég gruna marga aðra ráðherra ríkisstjórnarinnar um. Hins vegar er ég nokkuð viss um að hún er að bregðast samvisku sinni. Það að hún starfar enn með þessari ríkisstjórn, þrátt fyrir aðför ríkisstjórnarinnar að íslensku velferðarkerfi, gerir hana vissulega tortryggilega líka.

Rakel Sigurgeirsdóttir, 21.1.2009 kl. 04:51

5 Smámynd: Friðrik Sighvatur Einarsson

Ég geri bara ráð fyrir því að Virðuleg félagsmálaráðstýra Jóhanna Sigurðardóttir, okkar ástsæla löggjafarþingsgyðja hafi eins og svo margir aðrir mætir íslendingar, fengið sinn skammt af taugahrörnunarfyrirbæri eins og parkinson.  Hún hefur ekki veigrað sér við að sinna sínum störfum í þágu þjóðarinnr þrátt fyrir þessa breytingu.

Hennar TÍMI KOM til að vinna að framgangi "jafnaðarstefnu" og hún var byrjuð á að framkvæma áætlun sína um að rétta stöðu fjölmargra hópa sem þurfa tafarlaust að fá sín mannréttindi virt og svo fjárhagslegt öryggi með auknum fjármunum í greiðslur lífeyris og atvinnuleysistrygginga.  Það hversu ötul og sjálfri sér samkvæm Jóhanna er, segir manni að hún hefur örugglega haft fulla trú á því að þessi áætlun hennar gæti gengið eftir.  Jóhanna hefur örugglega ekki stuðlað að bankabólum, hlutabréfasvindli og hefði tekið þátt í að vara við þróuninni ef hún hefði gert sér fulla grein fyrr í hvað stefndi síðustu ár.  Þó er rétt að hún njóti vafans varðandi þá almennu hópsefjun sem var í gangi og margur Íslendingurinn, margir drengir góðir urðu vonsvikin fórnarlömb stjórnleysis nýfrjálshyggjuvæðingar innviða samfélagsins sem uppdubbað í óskiljanlegum og fordæmislausum hagstærðum í ríkisbúskapnum, risaviðskiptum í fjármála og atvinnulífinu og blekkti þá sem vildu trúa þessu.  Þar far helsti drifkrafturinn væntingar um mikinn ábata "öllum góðum mönnum til handa".  

Í tilfelli Jóhönnu var þetta skiljanlegt og ólíkt græðginni í viðskiptalífinu þar sem mikill vildi meira og meira, dreymdi Jóhönnu um að geta gert líf og tilveru margra sem lengi hafa staðið höllum fæti í samfélaginu dálítið betra og fyllra.

Það er sárt til þess að hugsa nú að nú deilum við vonbrigðunum saman ef Jóhanna verður undir í baráttunni við kjötkatlana og ekki fæst fjármagn í áætlanir hennar.  Það gildir þó einu hvernig það fer, Jóhanna verður ekki sökuð um óheiðarleika og spillingu, dugleysi né skeytingarleysi.  Hún verður alltaf okkar kæra Jóhanna.

Ég styð ekki ríkisstjórnina og ég styð ekki þá Samfylkingu sem við horfum á í dag, sokkin í spillingu og föst í siðferðislegum vítaspíral.  Hver væri betur til þess fallin að leiða nýja Samfylkingu í kosningarnar framundan?  Hver annar en Jóhanna!

Hún er í fínu lagi með smá titring í röddinni.  Þar sjáum við vel hvernig manneskja hún er.  Leggur þetta á sig þrátt fyrir allt og ég er viss um að henni líður betur að vera aktíf og drífandi.

Friðrik Sighvatur Einarsson, 21.1.2009 kl. 05:18

6 Smámynd: Rakel Sigurgeirsdóttir

Friðrik: Ég er búin að laga þetta sem þú baðst mig um. Gerði það svona þannig að það lítur út fyrir að ég hafi svarað þér áður en þú sendir inn athugasemdina þína Vona að þú sést sáttur.

Rakel Sigurgeirsdóttir, 21.1.2009 kl. 05:55

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband