Jólakveðja

Nú ætla ég að standa við það að taka jólafrí frá vangaveltum og tilfinningalegri útrás vegna efnahagsástandsins í þjóðfélaginu. Af því tilefni langar mig til að senda öllum bloggvinum og öðrum sem rekast hingað inn mínar ljúfustu óskir um friðsæl og gefandi jól.

 

 

 

 

 

 

 

 

 

Vegna ástandsins sem við stöndum öll frammi fyrir núna undir lok ársins má með sanni segja að framtíðin er í mikilli óvissu. Látum ekki ofbeldismennina sem kölluðu þessa óvissu yfir landið og þjóðina komast upp með að eyðileggja fyrir okkur jólastemminguna. Sýnum styrk okkar með því að gefa okkur og fjölskyldum okkar algjört frí frá áhyggjum og kvíða yfir því hvernig hún á eftir að ráðast.

Megir þú svo og allir aðrir landsmenn eiga gleðiríka og endurnærandi jólahátíð!

Athugasemdir

[Katrín Snæhólm Baldursdóttir, 22.12.2008 kl. 00:02]

Gleðileg gleðileg og gleðileg jól kæra vinkona...tökum svo nýja árið með stæl endurnærðar og baráttuGLAÐAR!!!

[Arinbjörn Kúld (IP-tala skráð) 22.12.2008 kl. 15:27]

Gleðileg jól Rakel. Njóttu þeirra, ég ætla að njóta þeirra þrátt fyrir að þurfa vinna talsvert. En þannig er vaktavinnan. Maður huggar sig við að það er gott fólk á vaktinni hjá 112   Verður maður ekki að trúa því sjálfur.  Tek mér líka smáfrí á nöldrinu.

[Jakobína Ingunn Ólafsdóttir, 22.12.2008 kl. 23:20]

Gleðileg jól og þakka allt góða bloggi. Gott að taka sér smá frí og komum svo til baka af krafti.

[Óskar Helgi Helgason (IP-tala skráð) 23.12.2008 kl. 02:06]

Heil og sæl; Rakel, líka, sem þið hin !

Og sömuleiðis; Rakel mín, þótt venjulegt jólahald eigi ekki að hefjast, fyrr en þann 6. Janúar, samkvæmt Júlíanska tímatali (hverju fargað var hér; um aldamótin 1700).

Með kærum kveðjum /

Óskar Helgi Helgason