Þegar upplýsingar og fræðsla hafa orðið lyginni að bráð!

Það hefur verið vikið að því nokkrum sinnum áður á þessum vettvangi að núna eftir áramótin hafa verið haldnir allnokkrir mjög athyglisverðir laugardagsfundir í Grasrótarmiðstöðinni. Þegar innhald þeirra er skoðað kemur í ljós að langflestir hafa fjallað um það sem heitast hefur verið í umræðunni eftir hrun; þ.e. efnahagsmálin og lýðræðið.

Fundirnir hafa allflestir verið teknir upp í þeim tilgangi að gera efni þeirra aðgengilegt á You Tube. Nú er búið að klippa alla fyrirlestrana sem hafa verið teknir upp en umræðuhluti flestra fundanna er eftir. Það er búið að birta krækjur í meiri hluta fyrirlestrana hér nú þegar. Sjá hér og hér.

Viðhengd frétt er sannarlega tilefni til að vekja sérstaka athygli á tveimur laugardagsfundanna. Fyrirlesararnir eru báðir prófessorar við Háskóla Íslands. Annar í félagsfræði en hinn í stjórnmálafræði. 

Þorbjörn Broddason: Samfélagsleg ábyrgð samfélagsfirrtra fjölmiðla. Erindi flutt á laugardagsfundi í Grasrótarmiðstöðinni 18. febrúar sl. Í fyrirlestri sínum sagði Þorbjörn frá grunninum og hugmyndafræðinni sem fjölmiðlun er reist á auk þess að fjalla um örar tæknibreytingar og þá þróun sem hefur orðið bæði í fjölmiðlun og eignarhaldi á fjölmiðlum

Svanur Kristjánsson: Var Búsáhaldabyltingin til einskis? Erindi flutt á laugardagsfundi í Grasrótarmiðstöðinni 3. mars sl. Í fyrirlestri sínum fór Svanur yfir niðurstöður könnunar varðandi það hverjir tóku þátt í mótmælunum í janúar 2009 og hvers vegna auk þess að draga saman árangur Búsáhaldabyltingarinnar og benda á það hvernig honum verður best fylgt eftir.

Krækjurnar hér að ofan leiða inn á afspilunarlista (playlist) þar sem hvor fyrirlestur spilast þannig að hver hluti fyrirlestrarins tekur við að af öðrum. Til að létta væntanlegum áheyrendum lífið enn frekar þá birti ég hér efnisyfirlit sem fylgir hverjum fyrirlestri og er að finna í textaboxinu fyrir neðan hvert myndband.

Þetta er efnisyfirlitið yfir fyrirlesturinn hans Þorbjörns ásamt krækjum inn á sérhvern hluta:

1. I. Grunnur og hummyndafræði að baki fjölmiðlun: http://youtu.be/NBJ6anrbYY0
2. Þjár tegundir fjölmiðla skipta mestu í nútímanum. Þ.e: þjóðlegir fjölmiðlar, miðstýrðir ofurmiðlar og örmiðlar: http://youtu.be/xOErWI9QhHg
3. Eignarhald á þremur stærstu ofurmiðlum heimsins og þremur stærstu fjölmiðlunum innanlands: http://youtu.be/rMtFNTY8d7k
4. Niðurstöður úr síðustu fjölmiðlakönnunum og lokaorð: http://youtu.be/eztaWoXa2ig

Þetta er svo efnisyfirlitið yfir fyrirlesturinn hans Svans ásamt krækjum:

1. Inngangur: http://youtu.be/qev_s0BFCHc
2. Hvað einkenndi Búsáhaldabyltinguna: http://youtu.be/4HpCE4ngyvc
3. Hverjir tóku þátt og hvers vegna: http://youtu.be/Yh8yNJoav2c
4. Siðferðishrunið í undanfara efnahagshrunsins: http://youtu.be/eCGBke93FeY
5. Árangur Búsáhaldabyltingarinnar og næstu skref: http://youtu.be/Abh3Owc3Jxo

Það fer vel á því að enda þetta á beinni krækju í fimmta hlutann hjá Svani Kristjánssyni þar sem hann dregur saman þann árangur sem hann vill minna grasrótina á að hún hafi náð og hvetja fólk til að halda áfram og fylgja árangrinum eftir!

Könnuðust ekki við málið

Skynsamlegast að setja aðildarumsóknina í salt!

Frosti Sigurjónsson, rekstrarhagfræðingur, flutti fyrirlestur í Grasrótarmiðstöðinni laugardaginn 10. mars. Fyrirlesturinn nefndi hann: Hvers vegna er skynsamlegt að leggja aðildarumsóknina til hliðar? Fyrirlesturinn var tekinn upp og er aðgengilegur inni á You Tube eins og aðrar upptökur af laugardagsfundunum á sama vettvangi.

Hér er upptakan af fyrirlestri Frosta:

Þess má geta að umræðurnar í kjölfarið bíða klippingar en hér má nálgast aðrar upptökur frá sama vettvangi: 

Björn sakar RÚV um áróður

Fræðslumyndbönd frá laugardagsfundum í Grasrótarmiðstöðinni!

Þeir sem fylgjast með þessu bloggi eru væntanlega vel meðvitaðir um að ýmsir hópar og einstaklingar úr grasrótinni stóðu saman að stofnun sérstaks rekstrarfélags sl. haust í þeim tilgangi að taka á leigu húsnæði sem var gefið heitið Grasrótarmiðstöðin. Tilefnið var að koma upp samstarfsvettvangi fyrir þá sem vilja vinna saman að því að koma á þeim breytingum á samfélaginu sem viðspyrnan hefur unnið að á undanförnum árum.
Þetta hefur tekist að einhverju leyti þó það sé langt frá því að árangurinn sé fullkominn. Áður en lengra er haldið er kannski rétt að taka það fram að öll starfsemin í Grasrótarmiðstöðinni hefur hingað til verið háð sjálfboðaliðum og því miður hafa þeir sem hafa virkilega látið til sín taka á vettvangi hennar verið mjög uppteknir í öðrum verkefnum líka. Þó hefur ýmislegt gerst á vettvangi Grasrótarmiðstöðvarinnar. Þar má nefna: bíósýningar, laugardagsfundir og stofnun framboðs til næstu kosninga.

Strax í upphafi var stofnuð sérstök síða fyrir Grasrótarmiðstöðina inni á Facebook en undir lok janúar leit upphafið af heimasíðu hennar dagsins ljós. Þar hafa birst tilkynningar varðandi helstu viðburði í Grasrótarmiðstöðinni eins og um laugardagsfundina sem fóru af stað í nóvember á síðasta ári og tóku sig svo upp aftur undir lok janúar eftir gott jólafrí. Hér er hægt að nálgast yfirlit yfir það hvaða efni hefur verið tekið til umfjöllunar á þessum fundum.
Það fer væntanlega ekki fram hjá neinum sem rennir yfir þetta yfirlit að það eru efnahagsmálin og lýðræðið sem hafa verið í forgrunni á laugardagsfundunum. Eftir áramótin hafa vel flestir fundanna verið teknir upp en uppbygging þeirra hefur verið með því móti að fyrst er fyrirlestur og svo fyrirspurnir og/eða umræður í kjölfarið.

Það er búið að klippa mikinn meiri hluta fyrirlestranna og birta þá inni á You Tube. Markmiðið með þessu öllu saman er að sjálfsögðu það að dreifa fræðslu. Þ.e. að þeir sem hafa ekki haft kost á því að kynna sér umræðuna um þau málefni sem fyrirlestrarnir fjalla um geti sett sig inn í hana.

Meiningin hefur verið að koma aðgengilegu yfirliti yfir þessi myndbönd fyrir inni á heimasíðu Grasrótarmiðstöðvarinnar en þar sem ekki hefur orðið af því hafa verið farnar ýmsar aðrar leiðir til að vekja athygli á þeim. Hér er t.d. hægt að nálgast yfirlit yfir öll myndböndin sem eru komin inn á You Tube. 

Sú sem þetta skrifar hvetur lesendur endilega til að kynna sér efni þessara myndbanda rækilega og stuðla að dreifingu þeirra þar sem þau fjalla um málefni sem varða okkur öll. Mig langar svo til að nota tækifærið hér og vekja athygli á fjórum fyrirlestrum sérstaklega:

Alda - Félag um sjálfbærni og lýðræði: Lýðræðið er lykillinn sem var fluttur 21. janúar sl. Kristinn Már Ársælsson og Guðmundur D. Haraldsson fjalla um og útskýra hugmyndir Öldu að lýðræðislegum stjórnmálaflokki.

Hagsmunasamtök heimilanna: Verðtryggður lánavandi sem var fluttur 28. janúar sl. Andrea Ólafsdóttir rekur söguna frá því að undirskriftarsöfnun HH var hrint af stað fram til loka janúar. (Ath. hér og í næstu myndböndum á eftir að klippa umræðuhlutann)

Ólafur Ísleifsson: Lífeyrissjóðir í ólgusjó sem var fluttur 11. febrúar sl. og fjallaði um margvíslegar brotalamir á lífeyrissjóðakerfinu m.a. út frá þá nýútkominni skýrslu nefndar sem var skipuð af Landssamtökum lífeyrissjóða. Sjálfri finnst mér V. hlutinn athyglisverðastur en eins og sést á efnisyfirliti (neðst í þessari færslu) yfir fyrirlestur Ólafs Ísleifssonar er mjög erfitt að gera upp á milli þeirra hvað þetta varðar.

Marinó G. Njálsson: Gengisdómar Hæstaréttar sem var fluttur 25. febrúar sl. Þetta er feiknalega flottur fyrirlestur. Marinó G. Njálsson hefur sett alla bútana inn á bloggið hjá sér ásamt inngangi að hverjum fyrir sig með textaskýringu. Sjá hér 

Það á eftir að klippa fyrirlestrana um Búsáhaldabyltinguna og ESB en því miður var fyrirlesturinn um samspil peningakerfis og verðtryggingar ekki tekinn upp.

Að lokum langar mig til að benda á það að ef horft er á þessi myndbönd inni á You Tube þá eru yfirlit eins og þetta undir hverju myndbandi. Þetta er dæmi um efnisyfirlit undir einu myndbandanna frá fyrirlestri Ólafs Ísleifssonar.

I. Saga lífeyrissjóðanna: http://youtu.be/MoihU0xBxDM
II. Eignir lífeyrissjóðanna: http://youtu.be/KJZ_PosarRM
III.Skerðingar á lífeyrisréttindum fyrir hrun: http://youtu.be/mqmzfN0UR7w
IV. Áhrif hrunsins á lífeyrissjóðina: http://youtu.be/tUjUuYVPKsc
V. Staða opinberu lífeyrissjóðanna: http://youtu.be/hFdFrUE9xsU
VI. Staða sjóðanna nú og í nánustu framtíð: http://youtu.be/V73pEp-9h9M
VII. Áhrif hækkandi lífaldurs á stöðu sjóðanna http://youtu.be/_6p5jWvWkg8
VIII. Skýrsla úttektarnefndarinnar og nauðsynlegar úrbætur http://youtu.be/AN2tKe0LJPU

Þess skal loks getið að ljósmyndir frá fundum Grasrótarmiðstöðvarinnar eru frá Andres Zoran Ivanovic.

Var Búsáhaldabyltingin til einskis?

Svanur Kristjánsson, prófessor í stjórnmálafræði, heldur erindi undir þessari yfirskrift í Grasrótar- miðstöðinni á morgun klukkan eitt eftir hádegi. Fundurinn er öllum opinn og fólk hvatt til að mæta og hlusta á fróðlegt erindi og taka þátt í umræðum að því loknu. Fundinum lýkur klukkan 15:00.

Svan Kristjánsson ætti að vera óþarft að kynna frekar en í erindi sínu mun hann fjalla um orsakir Búsáhaldabyltingarinnar og rýna í það hvort hún hafi orðið til árangurs að betra samfélagi. Í þeirri viðleitni mun framsögumaður velta því upp hvaða Íslendingar tóku þátt í byltingunni og hvort hún hafi verið friðsöm.

Spurningarnar sem Svanur veltir upp varðandi árangur byltingarinnar verða meðal annars: Hvað hefur færst til betri vegar og hvað er jafn spillt á Íslandi og áður var? Framundan eru miklir óvissutímar og í því samhengi ætti það ekki að koma á óvart að prófessor í stjórnmálafræði hugi líka  að hlutverki sérhvers borgara, grasrótarsamtaka og stjórnmálaflokka í að tryggja að Ísland verði venjulegt norrænt land lýðræðis og velmegunar.

Viðburður hefur verið stofnaður á Facebook en athygli er vakin á því að Grasrótarmiðstöðin er með heimasíðu þar sagt er frá öllum opnum viðburðum. Auk þess er ástæða til að benda á að laugardagsfundirnir sem hafa verið haldnir þar eftir áramótin hafa verið teknir upp en upptökurnar sem búið er að klippa og koma inn á Netið má nálgast hér.

Veðbókarvottorð gerð opinber